Само маркети кои имаат дозвола за работа од Кризниот штаб можат да работат за време на полицискиот час, истакна денеска директорот на Пазарниот инспекторат Стојко Пауновски.
Тој најави дека Државниот пазарен инспекторат во секој град има дежурни екипи кои ќе вршат проверка на маркетите кои работат и дали имаат соодветни дозволи.
„Доколку бидат затечени дека работат, ќе бидат санкционирани“, нагласи Пауновски, кој појасни дека досега нема изречено казна, туку само записници за глоба, која ако не се плати во рок од 8 дена, следува судска постапка.