Министерот Филипче тврди дека дека изолацијата на дел од персоналот во ГАК не е поврзана со случајот со родилката која не пријавила дека имала контакт со заразен со ковид-19
Родилката која беше во Гинеколшко-акушерската клиника, потоа во болницата „Ремедика“, па примена на Инфективната клиника, сега е на домашно лекување, на свое барање, а согласно состојбата која тоа го дозволила – со лесна клиничка слика.
За ова информира денеска министерот за здравство Венко Филипче, посочувајќи и дека на ГАК 16 медицински сестри се во изолација, но не од овој случај.
„Поголем дел од нив поминуваат 14 денови и се враќаат на работа, така што Клиниката функционира добро и работата не е компромитирана“,
рече Филипче.
На прашање како ќе се пополни новото болничко крило на струмичката болница со медицински кадар, министерот Филипче истакна дека во изминатите три години се направени промени какви што немало и повеќе од 20 години, што, според него, претставува инвестиција во здравствениот кадар и стимулирање на лекарите и на медицинските сестри, но и младите лекари иднината, да ја бараат во земјата.
„Анкетите што ги правиме со студентите на последнаа година на студии се многу поразлични од порано. Над 30 до 40 проценти сакаа да заминат до земјава, а сега тој процент е многу помал. Зошто? На секој млад лекар му дозволивме со платен стаж да остане тука и да добие работното место. Прво во здравствен дом каде ќе работи со поискусни, постари колеги, во Итната медицинска служба, патронажните сервиси, пунктовите за имунизација и оттука да почне специјализацијата. На тој начин, со повеќе од пет илјади изадени согласности, се вработија огромен број лекари и медицински сестри и значајно се зајакна капацитетот на апсолутно секоја јавна здравствена установа“,
рече Филипче.