Ѓурчиновски се враќал од конференција на началници на Генералштабови на армиите од земјите членки на САД-Јадранската повелба во Косово. По пожарот во неговиот службен автомобил, патот го продолжил со останатите возила заедно со членовите на делегацијата и обезбедувањето
Началникот на Генералштабот на Армијата, генерал-потполковник Васко Ѓурчиновски, вчера во Косово имал помала сообраќајна незгода при што се запалил автомобилот со кој се превезувал.
Ѓурчиновски учествувал на 25-тата конференција на началници на Генералштабови на армиите од земјите членки на САД-Јадранската повелба. Од Генералштабот на Армијата соопштија дека при враќање од Косово по автопатот меѓу Коморане и Приштина во доцните попладневни часови, ненадејно избувнал оган кај моторниот дел на автомобилот но, благодарение на брзата интервенција на возачот и обезбедувањето, е изгаснат за многу кратко време.
Генералот Ѓурчиновски заедно со членовите на делегацијата и обезбедувањето го продолжиле патувањето со останатите возила и се вратени дома.
„Возилото веднаш по првиот знак на палење, безбедно е тргнато од сообраќај, а по гасењето, истото е транспортирано во Република Северна Македонија“,
се наведува во соопштението на ГШ.