Една корисничка и две вработени лица од Домот за стари „Зафир Сајто“ во Куманово се позитивни на коронавирус, соопштија од установата. Резултатите ги потврдил Центарот за јавно здравје Куманово.
„Вработените се во изолација од 7 април годинава, кога беа тестирани со други вработени од персоналот. Тестирањето беше иницирано по враќање од лекување на наша корисничка која претходно била хоспитализирана во болница заради други неодложни здравствени проблеми и сместена во домот во соба за изолација“,
изјави директорот на установата, Дејан Стојановски.
Во домот нема други заразени, ниту помеѓу корисниците ниту помеѓу вработените. Од почетокот на ширењето на вирусот, додава Стојановски, преземени се мерки и вработените користат заштитна опрема.