Основното јавно обвинителство Битола денеска побара пет парични казни од по 2 000 евра за лица кои минатиот викенд го прекршиле полицискиот час или ги злоупотребиле дозволите за движење во време на забрана, што е кривично дело „непостапување според здравствените прописи за време на епидемија“ од член 206 став 1 од Кривичниот законик.
Во соопштението од ОЈО се вели дека двајца од обвинетите минатиот викенд се движеле надвор од своите домови за време на полицискиот час, а при контрола на полициските службеници им презентирале дозволи за движење издадени од работодавачите. По извршените проверки било утврдено дека дозволите се злоупотребени, бидејќи издадените дозволи не содржеле овластување за движење на обвинетите лица во временскиот период и на подрачјата каде биле затекнати.