Мислите на Филипче и на Спасовски им се во политика и тендери, а не во заштита на здравјето и животите на граѓаните, обвини Кирил Лазов од ВМРО-ДПМНЕ
Македонија се врати на врвот на листите, но на врвот на листите каде има најмногу заразени од ковид-19 на милион жители, најмногу починати на милион жители.Имаме нов пораз и огромен број на новозаразени. Филипче наместо политичка кампања работа му е да спасува животи, рече денеска, на прес-конференција во ВМРО-ДПМНЕ, Кирил Лазов, коментирајќи за вчерашниот здравствен билтен, во кој се запишаа најголем број заразени од почетокот на епидемијата на коронавирусот.
„Мислите на Филипче и на Спасовски им се во политика и тендери, а не во заштита на здравјето и животите на граѓаните. Вкупната бројка на заболени е поголема од 9 илјади лица, а бројката починати се ближи кон 500 лица.На црната статистика не потсетија вчера и регионалните медиуми.И што јавија? Најмногу заразени лица на милион жители има Македонија или повеќе од 4 илјади лица. На второ место е Косово со 3.010 заразени на милиони жители, а Србија со 2.776. Словенија со 903 на милион жители и Хрватска 963 со најмалку заразени во однос на бројот на жители.Македонија води во уште една црна статистика, а таа е за бројот на починати на милиони жители. Досега во земјава починале 189 луѓе на милион жители. Хрватска има најмал број на смртни случаи на милиони жители, 29. Ако вака се движат бројките среде јули, што да очекуваме есента“,
рече Лазов.