Два дена по ред бројот на новозаразени со Ковид-19 во светот бележи рекорден пораст – во изминатите 24 часа, според Светската здравствена организација, забележани се 259.848 нови случаи.
Најголемем пораст има во САД, Бразил, Индија и Јужна Африка, се наведува во дневниот извештај на СЗО. Вчера забележани беа 237.743 новозаразени.
Повеќе од 14 милиони луѓе се заразени со вирусот во светот, а речиси 600.000 починале.
Последниот билтен на Министерството за здравство, објавен синоќа, покажува дека вчерашниот ден бил рекорден и во земјава со 241 новозаболен и 8 починати. Тестирани биле 1700 граѓани.
Податоците соопштени вчера покажуваат дека бројката на излекувани (51) е за речиси пет пати помала од бројката на новозаразени.