ВМРО-ДПМНЕ реагира на веста дека ексминистерот Венко Филипче, по бебедносна проценка на службите, добил лично обезбедување за уште шест месеци, иако повеќе не е на функција. Филипче денеска ги демантираше информациите дека имал закани по живот и дека побарал самиот обезбедување.
„Ако нема безбедносни закани, тогаш зошто му е државно обезбедување на Венко Фичипче? Добро е власта да излезе со прецизна пресметка колку ќе ги чини граѓаните безбедноста на Венко Филипче. Врз основа на кој основ му е доделено обезбедување, кога веќе самиот тврди дека нема безбедносни закани? По златните чинии кои ги набави Ковачевски, специјално нарача и ново луксузно државно возило Шкода Суперб за Зоран Заев, со целосно обезбедување и државното лично обезбедување за Венко Филипче е уште една забеганост на власта на СДСМ“,
се вели во соопштението на ВМРО-ДПМНЕ.
Филипче денеска во изјава за „Фокус“, кажал дека обезбедувањето му е продолжено по проценка на АНБ.
„Не е вистина дека сум имал закани по живот, ниту дека сум барал обезбедување и возач. Обезбедувањето ми е продолжено според проценка на Агенцијата за национална безбедност (АНБ) на уште шест месеци“,
рече Филипче.