Од ресорното министерство информираат дека партиите утре електронски треба да се произнесат за одредени предлози, по што се очекува подготовка на законското решение кое ќе произлегува од усогласените решенија и ќе се достави во понатамошна процедура
Министерството за правда информира дека денеска е одржана 11. седница на работната група за реформи во изборното законодавство на која се разгледани преостанатите отворени прашања и предлози за измени и дополнувања на Изборниот законик, во насока на исполнување на препораките на ОБСЕ/ОДИХР.
„Членовите на работната група разменија мислења по доставените предлози од политичките партии, при што беше констатирано дека значителен дел од решенијата се усогласени и има висок степен на консензус“,
соопштија попладнево од Министерството за правда.
Оттаму информираат дека политичките партии утре по електронски пат треба да се произнесат за одредени предлози, по што се очекува подготовка на законското решение кое ќе произлегува од усогласените решенија и ќе се достави во понатамошна процедура.