Од платформата бараат итни оставки од министрите за внатрешни, за надворешни работи и за правда, Панче Тошковски, Тимчо Муцунски и Јетон Шасивари, а Европската комисија (ЕК) ја повикуваат да побара од официјална Софија да престане со провокациите и веднаш да ја предаде Михаилова на македонските правосудни органи
Не стивнуваат реакциите во политичките кругови во земјава врска со случајот со Ива Михаилова, која замина во Бугарија иако од страна надлежните валсти во земјава и биле одземени и македонскиот и бугарскиот пасош, како дел од мерките на претпазливост поради поради усдската постапка во кој таа е обвинета за тешка сообраќајна несреќа со смртни последици.
За случајот денеска отсто реагираа од платформата „Разговори за иднината 12:05“, од каде велат дека не постои посилен аргумент од уште едно скандалозно бегство преку граница, како последното на Ива Михаилова, дека за иднината на Македонија, како што наведуваат, времето е 12:05.
Во реакцијата, насловена „На политичкото водство на државните институции им е неопходна шок-терапија“, од платформата упатуваат неколку пораки и барања до Владата предводена од ВМРО-ДПМНЕ.
Оттаму велат дека извршната власта е должна веднаш да одговори на прашањето дали на средбата меѓу министрите за надворешни работи на Македонија и на Бугарија, Тимчо Муцунски и Велислава Петрова-Чамова минатата недела во Софија било договорено бегството на Ива Михаилова и дали тоа треба да послужи како иницијална каписла за предвремни парламентарни избори каде техничката влада задолжена за нивното организирање ќе влезе во процес на уставни измени.
„Доколку Владата го демантира претходното, тогаш веднаш да признае и да прогласи целосна институционална неспособност и да побара помош од меѓународни стратешки партнери, додека сè уште не сме го загрозиле безвизниот режим со ЕУ и не сме го вклучиле алармот на НАТО-Алијансата заради неодговорно управување со државните граници“,
се вели во соопштението од платформата.
Дополнитрелно, оттаму бараат министрите за внатрешни и за надворешни работи и за правда, Панче Тошковски, Тимчо Муцунски и Јетон Шасивари веднаш да си поднесат оставки.
Од платформата, чии членови се поранешни и актуелни функционери на СДСМ, кои бараат реформи во партијата, ја повикуваат Европската комисија да реагира во врска со случајот и да побара од официјална Софија да престане, како што велат, со провокациите од највисоко политичко државно ниво. Во истиот контекст, оттаму ја повикуваат ЕК да побара Ива Михаилова без одложување да биде предадена на македонските правосудни органи.
„Во спротивно заради ваквите настани, понижувања, режирање жртви на непосточека дискриминација врз бугарски државјанин, во Македонија расте внатрешниот притисок за отворање на прашањето за преиспитување на Договорот за добрососедски односи“,
велат од платформата.
На крајот од соопштението, оттаму наведуваат дека сочувстуваа и го делат срамот со граѓаните и целокупната јавност за тоа што ѝ се случи на Македонија, а во врска со бегството на Ива Михаилова.
Претходно од платформата потсетуваат дека во изминатите 35 години од незавноста на државата, повеќе лица од кои дел високи државни функцонери успеаја да ѝ „избегаат“ на првдата, бегајќи во странство. Меѓу нив, тие ги споменуваат, ексдиректорот на Царинската управа Сашо Даравелски, поранешниот премиер Никола Груевски, ексначаллниците во поранепната Управа за државна безбедност и контраразузнавање (УБК) – Горан Грујовски и Никола Бошковски, потоа ексдиректорот на ЕСМ, Васко Ковачевски обвинет во случајот „Адитив“, како и обвинетите во случајот „Монструм“ Алил Демири и Африм Исмаиловиќ. Во истиот контекст, тие потсетуваат и на бегствата на поранешниот прв вицепремиер Артан Груби и ексдиректорот на „Државна лотарија“, Перпарим Бајрами, кои по повеќе месеци криење од органите на прогонот, со насмевка на лицата самите се вратија во државата.
„Артан Груби иПерпарим Бајрами ѝ се смееја на правдата покажувајќи дека можат да бегаат и да се враќаат кога сакаат. За сите овие скандалозни случаи никој не презема никаква институционална одговорност“,
велат од платформата.
Одговорност од од надлежнбите институции и нивните први луѓе, вчера побараат и од опозициските СДСМ и Левица, поставувајќи дел од прашања што и платформата „Разговори за иднината 12:05“ ги наведува денеска.
Од СДСМ и Левица бараат одговорност и оставка од министерот за внатрешни работи, Панче Тошковски бидејќи, според нив нема кредибилитет и капацитет да ја води безбедносната политика на државата.
Веста дека Ива Михаилова, жителка на Кочани со македонско и со бугарско државјанство, ја преминала македонско-бугарската граница во придружба на адвокатот Николај Димитров од Бугарија утринава ја објави бугарската БТВ. Во изјава за медиумот, Михаилова вели дека поради влошената здравствена состојба во која се наоѓа, одлучила да се врати во Бугарија.
По ова следуваше реакција од македонските власти кои рекоа дека Михаилова не била евидентирана ниту од македонската ниту од бугарската гранична полиција додека таа во изјава за бугарските медиуми кажа дека нема ништо нелегално во преминување на македонско-бугарската граница и оти тоа го сторила со своите лични документи.
Инаку, на Михаилова двата пасоша – и македонскиот и бугарскиот – ѝ биле одземени уште во октомври минатата година, кога учествуваше во сообраќајната несреќа со смртни последици за која ѝ се суди во Кочани.
Поврзани вести:
- Ива Михаилова успеала да ја помине македонско-бугарската граница – адвокатот не кажува на кој премин
- Ива Михаилова била на стоп-листата на МВР, излез од Македонија не е регистриран
- МВР потврди: Нема евидентиран излез од земјава на Ива Михаилова
- Бугарската полиција не евидентирала легален влез на Ива Михаилова во Бугарија – велат од МВР
- Македонското МНР за бегството на Михаилова: Приемот на високо ниво на лице против кое се води судска постапка испраќа сериозно погрешна порака
- Пасошите на Михаилова ѝ биле одземени уште во октомври лани, Обвинителството не ѝ ги вратило поради ризик од бегство
- СДСМ бара оставка од Тошковски за случајот со Ива Михаилова: Како ја напуштила земјата ако ѝ се одземени двата пасоши?
- Јотова не била информирана за доаѓањето на Ива Михаилова во Бугарија, изрази подготвеност да се сретне со неа