Забраната за извоз на пченица и брашно е да се спречи нарушување на пазарот поради недостигот од овие производи поради војната во Украина, додека ограничувањата за извоз на дрва и пeлети е да избегне покачување на цените поради зголемената побарувачка во услови на енергетска криза
Се забранува изборот на огревно дрво, пeлети, пченица и брашно, а се укинува царината за увоз на масло за јадење до крајот на годинава.
Ваквите одлуки денеска ги донесе владата на предлог на Министерството за економија.
„Овие одлуки се донесени со цел со цел се избегнат шпекулативни дејствија на трговците и производителите и за заштита на домашното производство, домашниот пазар и граѓаните и да се одржува снабдувањето на домашниот пазар од растот на цените“,
вели министерот за економија Крешник Бектеши.
Ограничувањето на извозот на пченица и брашно, објаснуваат од Министерството за економија, е со цел да се спречат сериозни нарушувања на пазарот каде се јавува сериозен недостиг со оглед на кризата предизвикана од војната во Украина.
Кога станува збор за забраната за избор на огревно и дрво и пeлети, оттаму посочуваат дека на ваков чекор се решиле за да се избегнат последиците предизвикани од зголемената побарувачка на населението за огревно дрво поради енергетската криза на светскиот пазар. Иста одлука од неодамна донесоа и владите во Србија, Босна и Херцеговина и Црна гора.
Укинувањето на царината за увоз на масло за јадење, пак, според Министерството, е со цел да се одржува снабдувањето на домашниот пазар од растот на цените. Ова практично е враќање на мерката со оглед дека увозните давачи претходно веќе беа укинати, но мерката престана да важи по 31 мај 2020 година.