Во секој момент во Владата треба да започне состанокот на Главниот координативен кризен штаб (ГККШ) на кој ќе се дискутира за тоа дали да се продолжи зимскиот распуст на учениците во основните и средните училишта поради ситуацијата со пандемијата.
„На денешната седница Владата донесе заклучок за вечерва во 20 часот да се свика состанок на ГККШ за менаџирање со справувањето со последиците од пандемијата со ковид-19 и во консултација со Комисијата за заразни болести, да се разгледа прашањето за почетокот на второто полугодие од наставата во основното и средното образование“,
соопштија од Владата.
Состанокот на Кризниот штаб вечерва бил закажан на денешната прва конститутивна седница на новата Влада предводена од премиерот Димитар Ковачевски кој и ќе претседава со штабот.
Претходно, опозициската ВМРО-ДПМНЕ побара новата влада да го продолжи зимскиот распуст за две недели поради зголемениот број на новозаразени.