Претходно, опозициската ВМРО-ДПМНЕ побара новата влада да го продолжи зимскиот распуст за две недели поради зголемениот број на новозаразени
Владата во 14 часот ја започна првата конститутивна седница откако вчера беше избрана во Собранието, а денеска министрите ги презедоа функциите.
Како што објави новиот премиер, Димитар Ковачевски, на првата седница се одлучува и за стартот на второто полугодие од оваа учебна година поради епидемиолошката ситуација со ковид-19.
„Започнавме со работа, во тек е првата конститутивна седница на новата Влада. На дневен ред решенија за енергетската криза, стартот на учебната година и одговор на пандемијата“,
објави Ковачевски.
Претходно, опозициската ВМРО-ДПМНЕ побара новата влада да го продолжи зимскиот распуст за две недели поради зголемениот број на новозаразени.
На денешната седница се очекува Славица Грковска, Бојан Маричиќ, Фатмир Битиќи и Артан Груби да бидат именувани за вицепремиери за борба против корупцијата, за европски прашања, за економија и за политички систем. Груби, веројатно, ќе остане прв вицепремиер, како функција што беше првпат воспоставена во претходната влада.