На вечерашната седница Владата донесе одлуки за именување директори, в.д. директори и членови на Управни одбори на повеќе јавни претпријатија и акционерски друштва во владина сопственост
На првиот човек на Агенцијата за филм, Горјан Тозија му е завршен мандатот, а нов директор ќе се бира на јавен оглас, одлучи Владата на вечерашната седница.
„Владата констатира дека на директорот на Агенцијата за филм Горјан Тозија му е завршен мандатот и донесе заклучок истиот да не биде продолжен, туку да биде објавен Јавен оглас за именување нов директор на Агенцијата за филм на Република Северна Македонија“,
стои во владиното соопштение.
Претходно, Државната комисија за спречување корупција побара од Владата да го разреши Тозија, поради сомнежи за пропусти во финансиското работење. Антикорупциска информираше дека добила одговор од Владата дека поради пандемијата не бил именуван друг директор и дека одговорноста која е побарана е предмет на позитивното законодавство во државата и е во надлежност на други органи.
Разрешувања
Владата на седницата избра членови на Управниот одбор на ЈП за стопанисување со објектите за спорт во државна сопственост и заклучи да им препорача на членовите да поведат постапка за разрешување на актуелниот директор Шпенди Хајредини.
Како што се наведува во соопштението, причина се „индиции за сериозни нарушувања на повеќе одредби од Кодексот за етичко однесување за членовите на Владата и носителите на јавни функции именувани од страна на Владата, како и заради постапки кои укажуваат на надминување на надлежностите предвидени со Законот за јавни претпријатија“.
Истовремено, Владата донесе одлука да му предложи на УО на ЈП за стопанисување со пасишта да го разреши актуелниот директор Љујзим Фејзулаи заради „неисполнети обврски од програмата за работа и заради слаби резултати“ и на негово место да го именува Нефрус Челику.
На вечерашната седница, прифатена е и оставката на Билјана Јованоска од директорската функција во Агенцијата за вработување, а на нејзино место е именуван Абдуш Демири.
Разрешен е и директорот на Државниот инспекторат за животна средина, Фејзула Спахија и на оваа должност е именувана Ана Петровска.
Останати кадровски промени
На вечерашната седница констатирана е оставката на Иљми Селами од должноста член на Одборот на директори на АД Водостопанство, а за член на Одборот на директори да го избере Васко Стефанов.
Марјан Кицев именуван е за член на Управниот одбор на Фондот на пензиското и инвалидското осигурување, како претставник од репрезентативниот синдикат член на Економско социјалниот совет.
Маја Аргировска, е разрешена од должноста член на Комисијата за одлучување по барањата за зголемување на формираната цена на лек, и на нејзино место ја именуваше Аница Иваноска Стрезовски.
Со одлука на Владата, Слободанка Колевска е разрешена од должноста член на УО на ЈЗУ Општа болница – Струга, на нејзино барање, а за член на нејзино место е именуван Мартин Џутески.
Од должноста в.д. директор на Агенција за странски инвестиции и промоција на извозот на Република Северна Македонија, денеска е разрешен Арбен Виља, а Дејан Павлески е именуван за в.д. директор на оваа Агенција.
Од должноста член на Управниот одбор на Фондот за иновации и технолошки развој денеска е разрешен Александар Стефановски и поради истек на мандатот на претседателот и 5-те членови на Управниот одбор, за членови Владата ги именуваше: Моника Јованова, Пиштар Љутфиу, Калина Лечевска, Бранко Ничота, Димитрија Анѓелковски, Синиша Вељановски и Дритон Зибери
Владата ја разреши од должноста Славица Тодорова, директор на Управата за развој и унапредување на образованието на јазиците на припадниците на заедниците и го назначи Милутин Станчиќ, професор од Филолошкиот Факултет во Скопје,
На оваа седница Измит Нура е разрешен од должноста заменик директор на Агенцијата за млади и спорт и за заменик директор е именуван Авни Рустеми.
Аљајдин Хавзиу, е разрешен од должноста директор на Државниот инспекторат за труд и на таа позиција е именувана Јована Тренчевска.
Од должноста членови на Управен одбор – претставници на основачот на ДРЖАВЕН УЧЕНИЧКИ ДОМ „КРСТЕ П. МИСИРКОВ“ Владата ги разреши Ангелчо Петков и Косте Бојков, а за членови и ги именуваше Ефремчо Николов, Душанка Трајковска и Павле Лукоски.
Владата ја прифати оставката на Сафет Емрули, и го разреши од должноста директор на Државниот завод за индустриска сопственост, на негово барање и го именуваше Горан Герасимовски.
Владата ја прифати оставката на Осман Шукриу и го разреши од должноста заменик на директорот на Агенција за иселеништво, на негово барање и го именуваше Измит Нура за заменик на директорот на Агенција за иселеништво.
Авдуљ Селам Селами е разрешен од должноста заменик на директорот на Агенција за финансиска поддршка во земјоделството и руралниот развој.
Владата денеска го именуваше Авдуљ Селам Селами, дипломиран правник за вршител на должност заменик на директорот на Управата за јавни приходи, а Ремзи Абдулахи, дипломиран правник за вршител на должност заменик на директорот на Агенција за финансиска поддршка во земјоделството и руралниот развој
Владата го разреши Анте Поповски од должноста в.д. директор на Агенција за квалитет и акредитација на здравствените установи, и ја именуваше Калтрина Беќири.
Џезми Салиу е разрешен од должноста директор на Управата за животна средина, и на оваа позиција е именувам Хисен Џемаили, м-р по менаџмент на животна средина за вршител на должност директор на Управата.
Владата на Република Северна Македонија заклучи да му препорача на Надзорниот одбор на Акционерско друштво во државна сопственост за вршење на дејноста давање услуги во воздухопловната навигација (М – НАВ) АД Скопје, за член на Управниот одбор да го избере Фахрудин Хамиди (м-р по бизнис менаџмент).
На надзорниот одбор на Железници на Република Северна Македонија Транспорт АД-Скопје му е препорачано од Управниот одбор да го го отповика Орхан Муртезани, а за член да го избере Аднан Азизи.
На денешната седница Блажена Пејовска е именувана за член на Управниот одбор на Јавното претпријатие за државни патишта.