Државната комисија за спречување корупција (ДКСК) побарала од Владата да го разреши в.д. директорот на Агенцијата за филм, Горјан Тозија.
Како што информираше членот на ДКСК, Владимир Георгиев, тие добиле одговор од Владата за нивното барање со образложение дека поради пандемијата не именувала друг директор, но во одговорот не било наведено дека Тозија ќе биде разрешен.
Од Владата им посочиле дека одговорноста која ја побарала ДКСК е предмет на позитивното законодавство во државата и дека тоа е во надлежност на други органи.
„Ние сметаме дека Владата е надлежна бидејќи според законот за филмска дејност Владата е таа што го именува и го разрешува директорот. Оваа претставка е доставена и до вицепремиерот за корупција и очекуваме да видиме што ќе се случи“,
рече Георгиев.