До овој момент во Владата се уште нема пристигнато информации од Институтот за јавно здравје и Центарот за јавно здравје дали некој од контактите на министерот за внатрешни работи Оливер Спасовски кој е позитивен на коронавирус добиле решенија за домашна изолација.
Портпаролот на Владата, Душко Арсовски, одговарајќи на прес-конференцијата рече дека тие се очекуваат во текот на денот.
Министерот Спасовски пред два дена објави дека добил позитивен тест на коронавирус. Тој е вториот владин функционер после заменик-министерот на Артан Груби во Министерството за политички систем и односи меѓу заедниците Илхан Рахман, кој на 18 овој месец објави дека е позитивен.
Вчера премиерот Зоран Заев објави дека неговиот тест бил негативен, откако во два наврати беше во конткт со Спасовски пред тој да добие позитивен резултат на тестот.
Од МВР вчера соопштија дека во тек се епидемиолошките анкети и нагласија дека сите негови контакти биле со почитување на мерките. Исто така и од СДСМ рекоа дека за време на партискиот конгрес ги почитувале сите мерки, но ако здравствените власти одлучат некој да оди во изолација, дополнително ќе ја информираат јавноста.
Вчеравечер, портпаролката на СДСМ, Богданка Кузеска којаа го водеше дигиталниот конгрес на партијат во неделата, на Фејсбук објави дека е позитивна на коронавирус.