Владата нема информација дека за влез во Косово е неопходен ПЦР-тест, соопшти денеска портпаролот Мухамед Хоџа, но доколку таква информација пристигне, јавноста ќе биде веднаш информирана.
„Сѐ уште официјално не сме известени дека за Косово е потребен ПЦР-тест. Немаме известување за ваква одлука од страна на Косово или од нашите власти. Ако има ваква одлука, нашата јавност ќе биде информирана. Владата нема донесено ниту одлука за реципроцитет за државјаните на Косово“,
истакна Хоџа на прес-конференција во Владата одговарајќи на новинарско прашање.