Минималните температури ќе се движат во интервал од -1 до 8 Целзиусови степени, додека максималните ќе се искачат од 12 до 23 степени
Управата за хидрометеоролошки работи (УХМР) за денеска најавува променливо облачно време со сончеви периоди. Ќе дува слаб до умерен северен ветер. Минималните температури ќе се движат во интервал од -1 до 8 Целзиусови степени, додека максималните ќе се искачат од 12 до 23 степени.
Времето во Скопје ќе биде променливо облачно со сончеви периоди и слаб до умерен ветер од северен правец. Температурите ќе се движат од минимални 8 до максимални 21 степен.
УХМР најавува сончево време со локална облачност до средината на следната недела. В среда облачноста ќе се зголеми, а во четврток и петок се очекува и дожд.