По „протекувањето“ на видеото, еден од лидерите на опозицијата побара од неа да направи тест за дрога. Таа вели дека само пеела и се забавував и дека никогаш не била во близина на некој што користи дога
Финската премиерка Сана Марин се соочува со многубројни критики откако „протече“ видеоснимка на која се гледа како таа забавува со пријатели. Во видеото, за кое се верува дека е преземено од социјалните мрежи, таа пее и танцува со пријателите, меѓу кои и некои познати фински личности.
Таа беше цел на критики и од опозициските партии. Еден од лидерите на опозицијата бара од неа да направи тест за дрога. Триесет и шестгодишната Марин негира дека се дрогирала наведувајќи дека пиела само алкохол и многу се забавувала.
Finland’s Prime Minister @MarinSanna is in the headlines after a video of her partying was leaked today.
— Visegrád 24 (@visegrad24) August 17, 2022
She has previously been criticized for attending too many music festivals & spending too much on partying instead of ruling.
The critics say it’s not fitting for a PM. pic.twitter.com/FbOhdTeEGw
Најмладата премиерка на светот не крие дека оди на забави и често се фотографира на музички фестивали. Минатата година таа се извини што излегла во ноќен клуб иако била во близок контакт со лице заразено со ковид-19.
Минатата недела германскиот весник „Билд“ ја нарече Марин „најкул премиерка во светот“.
Коментирајќи го видеото во четвртокот, Марин рече дека знаела дека ја снимаат, но дека не е среќна што видеото станало јавно.
„Пеев, танцував и се забавував – сето тоа е легално. Никогаш не сум била во ситуација да видам некој како користи дрога“,
додаде таа.
Рика Пура, лидерот на една од најголемите опозициски партии, ја повика Марин да се подложи на доброволен тест за дрога и додаде: „облак на сомнеж е надвиснат над премиерката“.
„Имам семеен и деловен живот, а имам и слободно време што го поминувам со моите пријатели. Слично како и многу луѓе на моја возраст“,
рече Марин во своја одбрана пред новинарите.
Таа додаде дека не мисли дека треба да го промени своето однесување.
„Ќе бидам токму истата личност како досега и се надевам дека јавноста ќе го прифати тоа“,
рече таа.
Марин е на власт од декември 2019 година и сè уште ја има поддршката од партијата.
„Реакциите се типични за сè што прави Марин: поделени. Има и такви што велат дека е нормално жена на нејзина возраст да се забавува со пријателите, а има и такви што се шокирани. Но, засега барем едно е сигурно: сликите од забавата – барем во значителна мера – не влијаеја на нејзината популарност, како и на популарноста на нејзината партија“,
вели Роберт Сандман, фински новинар и коментатор за Би-би-си.
Сандман додава дека порано многу се зборувало за пријателството на премиерката со познати личности во Финска, што, како што вели, е голема разлика во однос на другите премиери.
Марин ја посети Македонија на средината на јуни во рамки на турнејата за лобирање за прием на нејзината земја во НАТО.