Директорот на Центарот за јавно здравје – Скопје, Арбен Зибери, во интервју за „360 Степени“ зборуваше за капацитетот на тестирања и најави дека и центарот ќе се вклучи во извршувањето на тестирањата.
„Ја користам приликата да соопштам пред јавноста дека ова прашање е поставено неколку пати и од ваши колеги, сакам да соопштам дека и ние како Центар за јавно здравје бидејќи се работи за комплексна анализа, треба кадар за оваа работа, но и инфраструктура, во соработка со Министерството за здравство повлековме опрема од Инфективната клиника, моментално се поставува во ЦЈЗ и наскоро односно од следната недела ќе почнеме со тестови во ЦЈЗ, верувам дека ќе го помогнеме целиот здравствен систем. Капацитетот на нашата лабораторија е помеѓу 40-50 теста дневно. Имајќи предвид тоа што го направивме порано дека нашите екипи се во првата борбена линија и ние директно контактираме со лицата кои речиси, 90% од случаите кои ги комуницираме, од каде земаме брисеви од пунктовите кои ги спомнав, повеќето се позитивни“,
вели Зибери.