(ВИДЕО) Зеленски му одговори на Путин: Русија повторно избира војна наместо мир

Тој на социјалните мрежи соопшти дека одбивањето средба значи дека Русија повторно избира војна, а реакцијата на рускиот претседател ја нарече слаба

Како одговор на писмото од Зеленски, Путин рече дека во моментов не гледа смисла за средба со украинскиот претседател

Откако рускиот претседател Владимир Путин изјави дека не гледа смисла во средба со украинскиот претседател, Володимир Зеленски возврати дека со таквиот став Москва уште еднаш се определува за продолжување на војната наместо за дипломатско решение на конфликтот.

Зеленски на социјалните мрежи соопшти дека одбивањето средба значи дека Русија повторно избира војна, а реакцијата на рускиот претседател ја нарече за слаба.

„Тој не сака да признае дека само сака војна. Тој едноставно не сака да ја заврши војната“,

додаде Зеленски тврдејќи дека Путин не сака ништо да промени и да признае дека само тој и оние што заработуваат пари од него ја сакаат војната.

Unfortunately, the Russian side once again chooses war – everyone heard the response today. Weak response. He simply does not want to end the war.

I think many around the world were disappointed by that response. He does not want to change anything, and he does not want to admit… pic.twitter.com/En6BySTKPP

— Volodymyr Zelenskyy / Володимир Зеленський (@ZelenskyyUa) June 5, 2026

Според него, Русија мора да има помалку пари, а поголем притисок.

„Им благодарам на сите што ни помагаат. Им благодарам на сите што стојат со Украина и сакаат вистински мир“,

кажа Зеленски.

Зеленски во отворено писмо до Путин предлага тет-а-тет средба за ставање крај на војната

Претходно, тој испрати отворено писмо до Путин во кое упати лична покана, нудејќи му средба лице в лице за да се стави крај на војната.

Писмото е објавено еден ден откако Украина започна голем напад врз Санкт Петербург, погодувајќи голем нафтен депо и воени цели, истото утро кога Путин ги угости светските лидери во градот за клучен економски форум.

Во писмото, Зеленски му предлага на Путин да го прекине конфликтот и поставува услови за повторно отворање на разговорите.

„Речиси половина од вашите 26 години на власт во Русија ги поминавте во војна со Украина. Што и да кажете за НАТО, геополитиката и рускиот јазик, оваа војна е ваш личен избор – војна без вистинска причина. Историјата ќе ја памети така“,

вели Зеленски.

Во писмото, Зеленски потсетува на неуспехот на Русија да го освои Киев и да го скрши украинскиот отпор за време на инвазијата во 2022 година, на разорните ефекти од меѓународните санкции врз руската економија, огромните човечки загуби и растечкото незадоволство на руското население.

Путин: Не гледам смисла за средба со Зеленски, потребни се договори наместо состаноци

Како одговор на писмото, Путин рече дека во моментов не гледа смисла за средба со украинскиот претседател.

Зборувајќи на Меѓународниот економски форум во Санкт Петербург, тој кажа дека претходните директни средби не дале конкретни резултати.

„Претходното искуство покажува дека ваквите средби се користат за купување време. Ни требаат договори, а не средби“,

кажа Путин.

Според него, Русија инсистира прво на постигнување конкретни договори преку стручни тимови, пред евентуален политички состанок на највисоко ниво.