(ВИДЕО) Заврши и третата рунда преговори: Русија и Украина со мал напредок во договорот за хуманитарните коридори

Третата рунда преговори помеѓу двете делегации траела околу три часа

Третата рунда преговори меѓу делегациите на Русија и Украина заврши вечерва во регионот Брест, во Белорусија, соопшти руската Амбасада во Минск.

„Заврши третиот круг руско-украински преговори во Белорусија“,

соопшти амбасадата на својот канал Телеграм.

Членот на украинската делегација во преговорите Михаило Подољак, веднаш по завршувањето на новата рунда во видео објкава на Твитер кажа дека има мало позитивно поместување на преговарачките позиици.

„Заврши третата рунда преговори. Има мали позитивни поместувања за подобрувањето на логистиката на хуманитарните коридори… Продолжија интензивните консултации за основниот политички блок на регулативи, заедно со преговорите за прекинот на огнот и безбедносните гаранции“,

пренесе Подољак.

The third round of negotiations has ended. There are small positive subductions in improving the logistics of humanitarian corridors… Intensive consultations have continued on the basic political block of the regulations, along with a ceasefire and security guarantees. pic.twitter.com/s4kEwTNRhI

— Михайло Подоляк (@Podolyak_M) March 7, 2022

Третата рунда преговори помеѓу двете делегации траела околу три часа, а како што пренесува Ројтерс, се случиле мали промени кон подобро во делот од разговорите за хуманитарните коридори.