Грчките спасувачки служби го вклучија и подводниот дрон во операцијата за пронаоѓање на исчезнатиот Мартин Јовановски. Од снимката која ја објавија тамошните медиуми се гледа како со камера се пребарува и во водите на Егeјското море со цел што поскоро да се најде третиот Македонец, исчезнат во невремето кое во саботата беснееше на Халкидики.
Неговиот братот на социјалните мрежи упати апел за помош, објавувајќи мапа од локацијата каде беше пронајден неговиот пријател Иван, кој беше спасен.
Тој побара, доколку се во можност, сите да ја споделат неговата објава, нагласувајќи дека иако поминаа 4 дена, тој, неговото семејство и сите вклучени во потрагата не ја губат надежта дека Мартин ќе биде најден.
Продолжувањето на спасувачката операција беше доведено под знак прашалник, бидејќи според грчките закони таа требаше да заврши денеска, на четвртиот ден. Македонските власти одговорија на барањето на братот на Мартин, Горан Јовановски таа да продолжи, па откако шефот на македонската дипломатија Бујар Османи разговараше до неговиот колега Никос Дендиас, грчките спасувачки служби и покрај изминатиот редовен рок, решија операцијата за спасување на Мартин да не застанува.