Националната метеоролошка служба на САД соопшти дека невремето ќе погоди поголем дел од источниот дел на САД во следните два дена и ќе донесе повеќе од 70 сантиметри снег во некои области
Снежна бура со снег и мраз зафати делови од САД и Канада. Илјадници летови се откажани, а некои земји на југоистокот се без електрична енергија, јави Би-би-си.
Вирџинија, Џорџија, Северна и Јужна Каролина прогласија вонредна состојба.
Националната метеоролошка служба на САД (NWS) соопшти дека невремето ќе погоди поголем дел од источниот дел на САД во следните два дена и ќе донесе повеќе од 70 сантиметри снег во некои области.
Метеоролозите најавуваат дека голема бура се приближува кон Источна Америка од Средниот Запад.
Снегот и мразот може да доведат до опасност при патувањето, прекин на електричната енергија и оштетување на дрвјата, предупреди од Националната служба.
Има и прогнози за можни поплави на крајбрежјето во некои области, вклучувајќи го градот Њујорк и делови од Конектикат, со предупредувања дека може да бидат зафатени патиштата и инфраструктурата.
Во канадската провинција Онтарио, која се граничи со државата Њујорк, канадската Агенција за животна средина утринава издаде предупредувања за невреме во поголемиот дел од југот, каде што се очекува снег да почне да паѓа во вечерните часови по локално време.
Winter storm warnings have been issued across parts of the US eastern states as snow continues to fall in the region.❄️🌨️#USA pic.twitter.com/dOHwo1q5Xt
— BBC Weather (@bbcweather) January 16, 2022
Се предвидува дека во Торонто, главниот град на провинцијата Онтарио и најголемиот канадски град, ќе наврнат 20 сантиметри снег.