Премиерот Зоран Заев денеска ја прими во посета новоименуваната амбасадорка на САД во земјава, Кејт Мари Брнс. Тој и посакал добредојде и успешен мандат на изразувајќи благодарност за одличната работа на претходниот американски амбасадор Џес Бејли и заменик шефот на мисијата, Микаела Швајцер Блум.
Претседателот на Владата како долгорочен интерес на земјата го издвоил натамошното интензивирање на билатералната политичка и економска соработка со САД, како и посветеноста на реформската ЕУ агенда за достигнување конкретни резултати во областа на владеењето на правото,антикорупцијата, реформите во безбедноста и јавната администрација.
Соговорниците, како што се наведува во соопштението од Владата, се согласиле дека Северна Македонија останува стабилен стратешки партнер на САД, фокусиран на заедничките заложби за безбедност, слобода и демократски просперитет во регионот, како и за заедничките активности во борбата против тероризмот и другите закани кон мирот во светот.
На средбата е изразена подготвеност за прифаќање на обврските кои произлегуваат од полноправното членство на НАТО до крајот на 2019 година и почетокот на 2020 година, како што е зголемувањето на БДП од 0,2% годишно на 2% до 2024 година, модернизација на армиските капацитети и зголемување на учеството во заеднички мисии. Амбасадорката Брнз на средбата потенцирале дека Соединетите Американски Држави со нетрпение очекуваат во наредните месеци да и посакаат добредојде на Северна Македонија како 30-та членка на НАТО додавајќи дека таа ќе ги вложи своите капацитети и досегашно искуство за да продолжи успешно, економската и политичката соработка меѓу двете држави.