Министерот за надворешни работи, Бујар Османи, ја пречека претседателката на Европската Комисија, Урсула фон дер Лајен, на скопскиот аеродром. Агендата продолжи во Министерството за надворешни работи, каде двајцата одржаа официјална средба. самиот старт на нејзината посета на Скопје.
Од кабинетот на министерот соопштија дека Османи изразил благодарност за посетата и дека гледа на Европската комисија како на докажан партнер на патот на евроинтегративен пат на земјава, стриктно и објективно анализирајќи ги состојбите и остварениот напредок преточен во извештаите за напредокот на државата.
„Оваа посета доаѓа во вистинско време, при самото заокружување на широкиот консултативен процес за предлогот на Француското претседателство и вашето денешното обраќање во Собранието го сметаме за значаен придонес во овој процес и поддршка за продолжување на нашите европски интеграции“
истакнал Османи на средбата со фон дер Лајен, соопштуваат од МНР.
Од МНР велат дека министерот потсетил дека ова е втор пат во исторјата на Северна Македонија Претседател на Европската комисија да се обрати во Собранието. Прв тоа го сторил Романо Проди, по повод потпишувањето на Спогодбата за стабилизација и асоцијација.