На првиот руски канал беше прикажана снимка како членови на Федералната служба за безбедност (ФСБ) ги испрашувале терористите
Еден од обвинетите за учество во терористичкиот напад на концертната сала „Крокус сити хол“ во предградието на Москва го именуваше координаторот на целата операција, објави руската државна новинска агенција Тас.
Според обвинетиот, со нив контактирал човек по име Саjфуло и на секој од нив им ветил по милион рубли (околу 10 000 евра). На првиот руски канал беше прикажана снимка како членови на Федералната служба за безбедност (ФСБ) ги испрашувале терористите.
??? The Moscow terrorists ADMITTED they were paid ~$11,000 each by Ukraine for the Crocus City Hall massacre.
— Jackson Hinkle ?? (@jacksonhinklle) April 7, 2024
After the attack, the UKRAINIAN MILITARY cleared a passage for them to cross the border to ESCAPE.
This is where YOUR TAXES ARE GOING!
pic.twitter.com/jxPe3zGpyJ
„Сајфуло ни рече да одиме во Украина, во Киев. И дека таму ќе ни даде еден милион рубли“,
рече еден од обвинетите за време на сослушувањето.
Други обвинети зборуваа за наводната помош што им била ветена при преминувањето на украинската граница.
„Сајфуло рече дека на украинската граница ќе нè чекаат момци кои ќе ни помогнат да ја поминеме границата и да стигнеме до Киев. Ни рече: ‘Јавете ми се, па ќе ви кажам што да правите’“,
сведочеше обвинетиот.
Според последните податоци, во терористичкиот напад загинале 144 лица, а 551 се повредени.
За учество во терористичкиот напад се уапсени 11 лица, меѓу кои и четворица директни извршители. Рускиот истражен комитет соопшти дека истражителите пронашле докази кои ги поврзуваат сторителите со украинските националисти.
„Исламска држава“ ја презеде одговорноста за нападот, но Русија сугерираше дека постои украинска врска, и покрај негирањето на украинските власти.