Погледнете го новото издание на емисијата „360 степени”, емитувано на 10 февруари 2025 г. на МРТ 1, во кое гостува министерот за внатрешни работи Панче Тошковски
Страшни се бројките за сообраќајни прекршоци – за пет дена во Скопје од 5 444 исконтролирани возачи, околу половина, односно во 2 592 случаи, полицијата констатирала прекршок – откри министерот за внатрешни работи Панче Тошковски, кој гостува во новото издание на емисијата „360 степени“ на МРТ 1. Во интервјуто фокусот е на прашања што се наметнаа по несреќата во која загина 22-годишната Фросина Кулакова, како што се најавите за законски и други системски промени за да се намалат прекршувањето на сообраќајните правила и последиците од тоа. Со министерот разговараме детално зошто досега не профункционира системот „Безбеден град“ и кога реално би можело да се случи тоа. Тема се и новиот бран дојави за бомби во училиштата. Тошковски го прашуваме и зошто јавното обвинителство отвори истражна постапка само за еден аспект од кривичната пријава на МВР за случајот „Државна лотарија“ и како Артан Груби стана недостапен за органите на прогонот во земјава.