Погледнете го новото дебатно издание на емисијата „360 степени“ емитувано на 10 јуни 2022 г. на ТВ Алсат
Индексот на транспарентност на политичките партии во РСМ, истражување спроведено од Фондацијата „Отворено општество Македонија“ (ФООМ), во рамките на пообемен проект на Меѓународниот републикански институт од САД – ИРИ, покажа релативно ниско ниво на активна транспарентност кај најголем дел од 28 рангирани политички субјекти. Нниедна партија не добила одлична или многу добра оценка. Најмногу – 72 од можни 120 поени, освоила Левица и заслужила оценка „добар“. Од поголемите партии, СДСМ со 55 поени е второпласиран и е во зоната „добар“, ВМРО-ДПМНЕ со 28 поени има оценка „задоволителна активна транспарентност“, а Алијанса за Албанците со 22 и ДУИ со 11 се со „незадоволителна активна транспарентност“. Ова е појдовната точка за дебатата во која учествуваат програмската координаторка во ФООМ, Марија Мирчевска, портпаролките на СДСМ и на ВМРО-ДПМНЕ, Богданка Кузеска и Марија Митева, и претседателоте на Младинскиот форум на Алијанса за Албанците, Омер Ајдини.