Одлуката Велика Британија на Украина да ѝ довери класифицирани информации во врска со производството на ракетите со долг дострел, од официјална Москва го оценија како додавање масло на огнот. Портпаролот на Кремљ, Димитриј Песков, обвини дека Британија прави сè што може за да спречи каков било напредок кон евентуален мировен договор
Велика Британија e подготвена да сподели доверливи технички информации со Украина за да ѝ овозможи на земјата да произведе сопствена верзија на крстосувачките ракети со долг дострел „Скалп“.
Ова денеска го објави британскиот премиер Енди Барнам, кој заедно со други меѓународни лидери отпатува во Киев по повод одбележувањето на 35-годишнината од независноста на Украина.
„И покрај скандалозните закани на Русија кон мојата земја, ние ќе продолжиме да ја поддржуваме Украина. Четири и полгодишна целосна инвазија на Русија има за цел да ја уништи независноста која денеска дојдовме да ја прославиме. Но, денес и секој ден, вие докажувате дека тие не успеаја. Сега е момент да се продолжи со притисокот врз Русија, момент да се исцеди нивната способност да ја финансираат оваа нелегална војна“,
изјави Бернам пред новинарите во Киев.
Одлуката Велика Британија на Украина да ѝ довери класифицирани информации во врска со производството на ракетите со долг дострел, од официјална Москва го оценија како додавање масло на огнот. Портпаролот на Кремљ, Димитриј Песков, обвини дека Британија прави сè што може за да спречи каков било напредок кон евентуален мировен договор и дека редовно смислува шеми за да спречи и најмал напредок во процесот.
Тој додаде дека руската војска веќе систематски собира податоци за да ја идентификува локацијата на сите места за производство на ракети, а дека потоа ќе ги уништи.
Москва минатата недела го предупреди Лондон за неодредени „последици“ поради снабдувањето со дронови за Киев, обвинувајќи ја Британија за продлабочување на вмешаноста во војната по извештајот дека беспилотни летала произведени во Британија по првпат биле искористени за напади со долг дострел против Русија.