Пратеникот од редовите на ВМРО-ДПМНЕ, Тони Јарески, истури течност од пластична чаша на говорницата во Собранието како симбол на крвта на загинатите херои во минатото за која опозициската партија смета дека се погазува со прифаќањето на т.н. француски предлог.
„Имате надвор народ на улиците, деноноќно, експерти, членови на сите партии, активисти, загрижени граѓани за нивната иднина. Сите во еден глас кажуваат освестете се и не го прифаќајте ова. Почеток за преговори нема бидејќи барањата за преговорите немаат крај и бараат да се отвори Уставот, но тоа нема да се случи. Овој договор е ништовен, ниеден пратеник на ВМРО-ДПМНЕ нема да подржи уставни измени, ВМРО-ДПМНЕ ќе ги штити интересите на Македонија и Македонците. Сите вие што ќе кренете рака за ова предавство ќе завршите на буништето на историјата. Затоа оваа течност нека ве потсеќа на крвата што ја газите, на жртвите од фашизмот, на децата од Ваташа и на крвта на хероите кои загинаа од Македонија а што вбие ја поганите со вашите дела“,
кажа Јарески од собраниската говорница.
Чинот на Јарески се случи на седницата на која се дебатира по Информацијата за соджината на Предлог преговарачката рамка за пристапните преговори на Република Северна Македонија со Европската Унија.
Расправата почна вчера, но денот не донесе разики во атмосферата. Пратениците од опозицијата со вувузели, труби и свирки ги саботираат репликите на пратениците од СДСМ. За збор пријавени се вкупно 42 пратеници, а останаа да говорат уште дваесетина, главно од опозициските партии.