Моментно, не сме се уште во состојба да ја одобриме преговарачката рамка, но работиме напорно со германското претседателство, изјави шефицата на бугарската дипломатија, по синоќешната средба во Берлин
Има напредок по разговорите во Берлин, ама се уште не сме подготвени да ја одобриме преговарачката рамка за Северна Македонија. Иако сме добронамерни, сепак, не можеме да правиме компромиси што ќе продуцираат антибугарска кампања. Тоа е позицијата на бугарските власт, изјави претпладнево на прес-конференција шефицата на бугарската дипломатија Екатерина Захариева, по синоќешната средба во Берлин со македонските министри Димитров и Османи.
Захариева рече дека во последните неколку седмици, по посетата на македонскиот министер за надворешни работи Бујар Османи на Софија, се направени преговарачки тимови и се водат преговори меѓу двете земји.
„Поддршката за евроинтеграцијата на нашите соседи не е променета низ годините. Не само за С Македонија, туку за цел Западен Балкан. Да не беше така, Бугарија немаше да биде првата земја што ја призна Македонија, немаше да го склучиме Договорот за добрососедство, кој, според признанието на сите европски лидери, беше силен поттик за постигнување на Преспанскиот договор“,
рече Захариева.
Таа рече дека во последната година и повеќе, Бугарија забележала позначителни прекршувања на Договорот за добрососедство, не само во однос на мешовитеата Комисија, туку и за други прашања, како што се Коридорот – 8, административнипречки со кои се соочувале инвеститори од Бугарија во земјава, непридржување до формулацијата за јазикот…
Захариева рече дека има одреден напредок, по разговорите во Берлин.
„Моментно, не сме се уште во состојба да ја одобриме преговарачката рамка, но работиме напорно со германското претседателство“,
рече Захариева.
Захариева појасни дека има напредок во однос на користењето на краткото име на С Македонија.
„Користејќи го краткото име за Бугарија е важно да се изјаснат дека тоа не води до географскиот дел на Бугарија, дека не е поврзано со територијални или малцински претензии. Македонија вети дека ќе го објави ова. Што се однесува до јазикот, повторивме дека постојат две опции или употребата на верзијата за 2017 година, мислам дека имавме и прилично голема конвергенција на позициите во Берлин“,
рече Захариева.