Судири со полицијата, солзавец, шок бомби и приведени демонстранти – ваква беше сликата на протестот во Атина против рестриктивните мерки за заштита од ковид-19.
На плоштадот Синтагма се собраа лица организирани преку социјалните мрежи, извикувајќи слогани против Владата, против мерките, против полицијата, но и против новинарите, јави дописничката на МИА.
Полицијата употреби солзавец и шок бомби за да ги растера демонстрантите, кои се собраа и покрај карантинот, на два часа пред почетокот на полицискот час во Атина.