Новиот еврокомесар за проширување Оливер Верхејли пред премиерот Зоран Заев истакнал дека очекува поддршка од сите политички фактори, вклучувајќи ја и опозицијата, за реформите и за носењето на законот за јавно обвинителство.
Тој порачал дека е од големо значење тоа што земјава останува посветена и понатаму да испорачува резултати во демократските реформи.
Овие информации ги соопштија од Владата, откако Заев и Верхејли одржале средба на маргините на Самитот на Централноевропската иницијатива, кој се одржа денеска во Рим.
Вархејли најавил и дека ќе дојде во посета.
Заев, како што соопштија од Владата, му кажал на еврокомесарот дека С.Македонија ќе ѝ даде уште повеќе аргумент на ЕК и на сите земји членки на ЕУ, за одложената одлука за датум за преговори да дојде што поскоро.
„На средбата беше истакнато дека Северна Македонија во процесот на пристапување ги оствари сите услови со спроведување на домашните реформи и со договорите со Грција и Бугарија, што ја направи нашата земја пример во регионот, како држава без отворени прашања со соседите. Успесите на земјата се успеси и на ЕУ, беше нагласено на средбата меѓу премиерот Заев и еврокомесарот Верхелји, и Северна Македонија ќе продолжи со уште поголем фокус на имплементацијата на реформите и во борбата против корупцијата и организираниот криминал“, соопштија од Владата.