Западен Балкан е стратешки приоритет за ЕУ. Треба да го забрзаме нивниот пристапен процес, напиша Вархеји на Твитер
Европскиот комесар за проширување Оливер Вархеји, на форумот на европските либерали во Софија, повика на интеграцијата на земјите од Западен Балкан во ЕУ.
„Западен Балкан е стратешки приоритет за ЕУ. Треба да го забрзаме нивниот пристапен процес“,
напиша Вархеји и на Твитер.
Addressing common challenges during our discussion on the ‘EU meets the Balkans’ Forum organized by @Eurliberalforum &@aldeparty in Sofia.
— Oliver Varhelyi (@OliverVarhelyi) May 16, 2023
▶️Enlargement policy gained momentum. #WesternBalkans is a strategic priority for the 🇪🇺EU. We need to accelerate their accession process. pic.twitter.com/MicptL0b8w
Бугарските медиуми вечерва пренесуваат дека претставниците на земјите од Западен Балкан предупредиле дека долгото чекање за членство во Унијата води до фрустрација и замор. Амбасадорката на Северна Македонија во Бугарија, Агнеза Руси Поповска, предупреди дека поддршката за европска интеграција кај граѓаните на Северна Македонија е намалена за три пати, пренесува Бугарската национална телевизија (БНТ).
Организатори на форумот се Европскиот либерален форум со поддршка на партијата Алијанса на либерали и демократи за Европа и Атлантскиот клуб од Бугарија.
Вархеји на Твитер денеска објави дека пред форумот имал одвоени средби со повеќе бугарски политички лидери. На состанокот со првите луѓе на Продолжуваме со промените и Демократска Бугарија, Кирил Петков и Асен Василев, разговарале за политичката состојба во Бугарија, нејзиното влијание врз билатералните односи со Македонија, како и за напредокот во реформите за членство на Северна Македонија во ЕУ.
Met w/ @promenibg @KirilPetkov and Asen Vasilev to discuss how EU reforms in 🇲🇰are advancing.
— Oliver Varhelyi (@OliverVarhelyi) May 16, 2023
Also discussed the 🇧🇬pol. situation after the April general election & its impact on the bilat relations.
Promoting good neighbourly relations is based on mutual support & commitment. pic.twitter.com/H7KuGnZoBZ
На средбата, пак, со лидерот на ГЕРБ, Бојко Борисов, било разговарано за следните чекори во проширувањето на ЕУ и притоа нагласил дека во актуелната геополитичка ситуација проширувањето на Унијата е заедничка одговорност.
Constructive meeting with @BoykoBorissov party leader of @ppgerb discussing the 🇧🇬🇲🇰 bilateral relations and the next steps of the 🇪🇺#Enlargement policy.
— Oliver Varhelyi (@OliverVarhelyi) May 16, 2023
In the challenging geopolitical situation the committed support of the #WesternBalkans is our common responsibility. pic.twitter.com/6w1V75gesL