Од Владата велат дека нема да има рестрикции на струја во претстојниот зимски период
Владата в четврток се очекува да прогласи кризна состојба за електричната и топлинската енергија, објави МИА повикувајќи се на владини извори.
Одлуката треба да важи од 1 септември, а беше најавена од страна на министерот за економија Крешник Бектеши на последната прес-конференција со директорот на ЕСМ, Васко Ковачевски.
Од Владата велат дека нема да има рестрикции на струја во претстојниот зимски период, а тоа го кажаа и Бектеши и Ковачевски на прес-конференцијата, на која ги презентираа владините мерки за штедење во пресрет на зимата.