Од Уставниот суд оценува дека во оваа фаза конкретниот ДУП не е во согласност со Генералниот урбанистички план (ГУП) на Град Скопје, а која согласност е предвидена во содржината на Законот за просторно и урбанистичко планирање. Уставен истовремено, како што се додава во соопштението, го оценува овој ДУП и како спротивен на владеењето на правото
Уставниот суд на денешната седница одлучи да поведе постапка на Одлуката на Советот на Општина Карпош за Детапниот урбанистички план (ДУП) со кој се предвидува изградба на бензинска пумпа спроти базенот „Младост“.
Покрај тоа, уставните судии донесоа одлука за суспензија, односно запирање со ивршувањето на сите поединечни акти или дејствија што се преземаат врз основа на Одлуката на Советот на Општина Карпош, за чија уставност сега е поведена постапка.
„Уставниот суд на денешната седница одлучи да поведе постапка за Одлука на Советот на Општина Карпош од од 03.03.2022 година за донесување на ДУП за Градска четврт 3.04, Блок 3 04.05. Со поведувањето на постапката Уставниот суд изразува сомнеж во уставноста но и законитоста на Одлуката за ДУП со кој се предвидува изградба на бензинска пумпа спроти базенот „Младост” во општина Карпош на дел од сообраќајната инфраструктура“,
се наведува во соопштението од Уставен.
Од Уставниот суд оценува дека во оваа фаза конкретниот ДУП не е во согласност со Генералниот урбанистички план (ГУП) на Град Скопје, а која согласност е предвидена во содржината на Законот за просторно и урбанистичко планирање.
Уставен истовремено, како што се додава во соопштението, го оценува овој ДУП и како спротивен на владеењето на правото.
„Дополнително, на денешната седница е одлучено да се запре извршувањето на поединечни акти или дејствија што се преземаат врз основа на оспорената Одлука, или воведена е т.н. времена мерка, додека Уставниот суд не донесе конечна одлука“,
информираат од Уставниот суд.
Со 16 гласа „за“ во март, минатата година советниците во Општина Карпош го усвоија ДУП-от за просторот кај Спортскиот центар „Борис Трајковски“ кој остро беше критикуван од група активисти, потсетува Радио МОФ.
За конторверзниот ДУП, за кој Уставен денеска поведе постапка и ги суспендираше натамошните активности, гласаа советници и од СДСМ и од ВМРО-ДПМНЕ и од ГРОМ, додека на седницата не присуствуваа советниците од Левица и Независни за Карпош.
Од Општината тврдеа дека просторот ќе биде наменет за комерцијални и деловни објекти, зеленило и рекреација, спортска инфраструктура, како и бензински пумпи.
Најгласни во реакциите против донесувањето на ДУП-от беа претставници на движењето Независни за Карпош.
„Едно е да се носи ДУП заради содржини од интерес на жителите на општината, а друго е да се носи ДУП во интерес на приватен капитал, а чувството е дека утре ќе се случи токму тоа“,
рекоа тогаш од движењето во нивната реакција.
Од движењето тогаш остро реагираа на процедурата на носење на Деталниот урбанистички план, потенцирајќи дека, во заштитна зона на бунарски ситем и во близина на гасоводна траса, бензинска пумпа не смее да има.