Без гориво нема да има чиста вода, нема да функционираат болници и пекарници. Без гориво помошта нема да стигне до оние на кои очајно им треба. Без гориво нема да има хуманитарна помош, велат од Агенцијата на ОН за помош на палестинските бегалци (УНРВА)
Агенцијата на ОН за помош на палестинските бегалци (УНРВА) предупреди дека денеска ќе мора да ги прекине активностите во Појасот Газа поради недостиг од гориво.
„Без гориво нема да има чиста вода, нема да функционираат болници и пекарници. Без гориво помошта нема да стигне до оние на кои очајно им треба. Без гориво нема да има хуманитарна помош“,
вели генералниот директор на УНРВА, Филип Лазарини, пренесува „Гардијан“.
🛑@UNRWA warning: If we do not get fuel urgently, we will be forced to halt our operations in the📍#GazaStrip as of tomorrow night.
— UNRWA (@UNRWA) October 24, 2023
🆘 @UN agency says its #Gaza operation will end tomorrow ‘if we don’t get fuel’@JulietteTouma @BBCNews https://t.co/JfQLPwmSGb
Немањето гориво претставува опасност и за здравствените установи. Агенциите на ОН процениле дека една третина од болниците во Газа и речиси две третини од клиниките за примарната здравствена заштита биле затворени поради оштетување или недостаток на гориво.
Портпаролот на израелската армија Даниел Хагари изјави дека гориво нема да се испорача во Газа, по извештаите дека Хамас го условил ослободувањето на 50 лица со двојно државјанство што ги држи како заложници.
„Горивото нема да влезе во Појасот Газа. На Хамас му треба за својата оперативна инфраструктура“,
вели Хагари.
Израелската војска го обвини Хамас за складирање гориво, објавувајќи сателитска фотографија од десетина резервоари со гориво во Појасот Газа, за кои вели дека содржат 500 илјади литри гориво.
„Прашајте го Хамас дали можете да имате малку“,
се вели во одговорот од израелската војска до УНРВА.
These fuel tanks are inside Gaza.
— Israel Defense Forces (@IDF) October 24, 2023
They contain more than 500,000 liters of fuel.
Ask Hamas if you can have some. https://t.co/Dlag6VdbMq pic.twitter.com/WXzZMFr8yI
УНРВА на својата веб-страница објави дека речиси 600 илјади внатрешно раселени лица се згрижени во 150 објекти на УНРВА и оти во областите, Кан Јунис и Рафа, речиси 430 илјади внатрешно раселени лица се во 93 нивни засолништа, а тоа е зголемување за 10 илјади луѓе само за 24 часа.
„Од саботата на 21 октомври, три хуманитарни конвои стигнаа до Газа со вкупно 54 камиони. Тимовите на УНРВА ги примаат тие пратки од страната на Газа и помагаат во складирањето и дистрибуцијата во соработка со другите агенции на ОН. Во конвоите има храна, вода за пиење и лекови. Тие конвои го немаа толку потребното гориво“,
пишува во објавата на УНРВА.