Во извештајот на Глобалниот кластер за исхрана се вели дека покрај високиот процент на неухранети деца, голем е и процентот на оние што добиле некоја заразна болест, а околу 70 отсто од децата во последните две недели имале дијареа
Околу 90 отсто од децата под пет години во Газа дневно јадат најмногу два вида на храна, а многу често се случува во исхраната секојдневно да им биде присутен и само еден вид на храна, пренесува „Гардијан“. На ваквата состојба предупредува Фондот за деца при Обединетите нации (УНИЦЕФ), според чии анализи зголемено е нивото на смртност на децата во Газа токму поради неухранетост.
УНИЦЕФ предупредува дека Појасот Газа е подготвен да биде сведок на зголемување на, како што рече нивниот официјален претставник, веќе неподносливо ниво на смртност на деца поради влошената криза со храна.
Во извештајот на Глобалниот кластер за исхрана се вели дека покрај високиот процент на неухранети деца, голем е и процентот на оние што добиле некоја заразна болест, а околу 70 отсто од децата во последните две недели имале дијареа.
Во најјужниот град во Газа, Рафах, пристигнува најмногу хуманитарна помош, па затоа и стапката на моментална неухранетост е 5 отсто, во споредба со таа во северниот дел на Газа, каде неухранетоста е 15 отсто, поради тоа што тој дел е изолиран од израелската војска, а хуманитарната помош со месеци е прекината.
Според извештајот, пред војната стапката на неухранетост низ Газа беше помала од еден отсто.
изјавил Тед Чајбан, официјален претставник на УНИЦЕФ.
„Појасот Газа е подготвен да биде сведок на експлозија од смртни случаи на деца, што ќе го засили и онака неподносливото ниво на смртност на деца во Газа“,
Уште во декември минатата година организациите за хуманитарна помош посочија дека целото население на Газа од 2,3 милиони Палестинци е во криза со храна, а дека четвртина од населението се соочува со глад.
Веќе со месеци е познато дека протокот на хуманитарна помош во Појасот Газа е строго ограничен.
Анализата на Глобалниот кластер за исхрана укажува на лоша ситуација во исхраната за целото население во Газа.
„Се очекува дека сите области на Газа ќе бидат погодени од неухранетост, но особено ќе бидат погодени оние делови што добиваат ограничена или никаква хуманитарна помош“,
се вели во анализата.
Во извештајот се наведуваат две потенцијални сценарија за состојбата со исхраната и ширењето на заразните болести. Едното е сценарио е за брз пат, а второто е за бавно влошување. Двете сценарија зависат од степенот на ширење на болестите, како и за степенот за брза или бавна достава на хуманитарната помош.
Пред неколку месеци, Фондот за деца при Обединетите нации (УНИЦЕФ) алармираше поради зголемениот број смртни случаи на деца во Појасот Газа, како и да престане убивањето на децата.
Но, една од поалмармантните состојби беше кога една добротворна организација која делува во Газа посочи дека секодневно во просек повеќе од 10 деца ја губат едната или двете нозе во Газа, како и дека им се прават ампутации без анестезија.