Руските канали на Телеграм шират информација дека украинските специјалци веќе влегле во градот, но оваа информација не е потврдена, ниту проверена
Денеска на социјалните мрежи се прошири фотографија од украинското знаме поставено на споменик во центарот на Херсон, украинскиот град од кој руските сили забрзано се повлекуваат.
First images of Ukrainian flags raised in the centre of Kherson. According to local telegram channels, this is the work of the partisans pic.twitter.com/cCOYUBMw9N
— Pjotr Sauer (@PjotrSauer) November 11, 2022
Според „Гардијан“, најверојатно тоа е дело на локални партизани, кои биле активни во градот откако Русија го окупирала. Жителите на Херсон главно престојувале во своите куќи за време на руското повлекување. Руските канали на Телеграм шират информација дека украинските специјалци веќе влегле во градот, но оваа информација не е потврдена, ниту проверена.
Рускиот министер за одбрана Сергеј Шојгу нареди повлекување на руските сили од градот Херсон пред два дена. Вчера Русија потврди дека повлекувањето започнало, а Украина оттогаш ослободила повеќе од 10 населени места во областа Херсон.