Во последниве недели се појавија неколку извештаи во кои се тврди дека руските сили ги принудуваат Украинците да ги напуштат своите домови во Херсон и дека самите влегуваат во нив
Русија планира да го претвори Херсон во „град на смртта“ пред нејзините сили да се повлечат од тој голем град во јужна Украина, објави денеска Михајло Подољак, советник на украинскиот претседател Володимир Зеленски.
„Руската Федерација сака да го претвори Херсон во град на смртта. Руската армија минира сè што и е на дофат, од станови до канализации. Со артилерија на левиот брег, тие планираат да го претворат градот во урнатини. Така изгледа ‘рускиот свет’ – дојдоа, ограбија, славеа, убиваа сведоци, оставија урнатини и си заминаа“,
објави Подољак на Твитер.
RF wants to turn Kherson into a "city of death". Ru-military mines everything they can: apartments, sewers. Artillery on the left bank plans to turn the city into ruins. This is what "Russian world" looks like: came, robbed, celebrated, killed "witnesses", left ruins and left.
— Михайло Подоляк (@Podolyak_M) November 10, 2022
Во последниве недели се појавија неколку извештаи во кои се тврди дека руските сили ги принудуваат Украинците да ги напуштат своите домови во Херсон и дека самите влегуваат во нив. Во вчерашното телевизиско обраќање, рускиот министер за одбрана Сергеј Шојгу нареди руските сили да се повлечат од Херсон.
