Во однос на приоритетните цели, сите воени злосторници мора да бидат казнети. Како цивилизирана земја, Украина е заинтересирана за казнување на воените злосторници во рамки на меѓународното право пред меѓународен суд, вели портпаролот на Воената разузнавачка служба на Украина
Воената разузнавачка служба на Украина во реално време го следи местото каде се наоѓаат Владимир Путин и основачот на групата Вагнер, Евгениј Пригожин, изјави портпаролот на службата. Андриј Јусов рече дека „и покрај сите обиди и напори да се сокријат овие информации“ и наводната употреба на „различни технологии, вклучително и употребата на двојницци“, Русија не успева да ги скрие локациите на Путин и Пригожин.
„Што се однесува до нивното место на живеење, се разбира дека знаеме каде се тие во секое време. Путин е чуван, тој е добро чувана личност. Пригожин не е таков и тој се однесува можеби најслободно меѓу рускиот естаблишмент. Сите овие информации ни се познати нам и на нашите партнери и често се следат во реално време“,
изјави Јусов за „Киев пост“.
Тој вели дека во моментов Украина нема желба или намера да го убие ниту Пригожин, ниту Путин.
„Во однос на приоритетните цели, сите воени злосторници мора да бидат казнети. Како цивилизирана земја, Украина е заинтересирана за казнување на воените злосторници во рамки на меѓународното право пред меѓународен суд. Во овој контекст, приоритет број еден за Украина и Централната разузнавачка агенција е навистина да го доведат Путин до Хаг на судење пред овој суд“,
изјави тој.