За инцидентот се осомничени две лица – браќата Ј. В. и Б. В. од истото село, кои биле во автомобил „волво“ со швајцарски регистарски ознаки. Едниот од нив е приведен
Триесет и петгодишник (Р. К.) од гостиварско Дебреше почина по нанесени повреди откако за време на престрелка во него било пукано со автоматско оружје, потврди Министерството за внатрешни работи (МВР).
Пукањето се случило попладнево околу 17 часот. За инцидентот се осомничени две лица – браќата Ј. В. и Б. В. од истото село кои биле во автомобил „волво“ со швајцарски регистарски ознаки.
„Едниот од нив, Б. В. е приведен и од истиот е одземена автоматската пушка со која го извршил делото“,
соопштија од МВР.
Полицијата презема мерки за расчистување на случајот.