Во текот на првите 11 месеци од минатата година земјата ја посетиле 18 милиони туристи, дури 61 милион помалку во споредба со 2019 година
Во текот на ноември 2020 година, само 456 496 странски туристи ја посетиле Шпанија, што е за 90 проценти помалку отколку во истиот период лани.
Доколку податоците се слични за декември, Шпанија ќе ја заврши годината со помалку од 20 милиони посетители, што е најмал број од воведувањето на демократскиот систем во земјата, објави Националниот институт за статистика.
Во текот на првите 11 месеци од минатата година земјата ја посетиле 18 милиони туристи, дури 61 милион помалку во споредба со 2019 година.
Туристите од Велика Британија, Франција и Германија се најбројни посетители на Пиринејскиот полуостров, иако тоа е речиси 90 проценти помалку од вообичаеното.
Вкупната загуба во туризмот за цела 2020 година се очекува да изнесува 65 милијарди евра. Се предвидува дека оваа година ќе биде година на транзиција, и покрај пристигнувањето на вакцината, додека обновување на туризмот не се очекува пред 2022 година.