Од рано изутрина, пак, на терен повторно ќе интервенираат „ертракторите“ на Дирекцијата за заштита и спасување и екипите на Противпожарната бригада на Град Скопје
Пожарот од скопско Моране се прошири кон селото Габер – соопштија вечерва од Центарот за управување со кризи (ЦУК). Оттаму информираат дека во текот на ноќта екипите ќе останат на терен за да ги заштитат селото и околните населени места и континуирано да ја следат состојбата со пожарот.
Од рано изутрина, пак, на терен повторно ќе интервенираат „ертракторите“ на Дирекцијата за заштита и спасување и екипите на Противпожарната бригада на Град Скопје, со цел целосна локализација и гаснење на пожарот.
ЦУК претходно денеска информира дека поради непристапниот терен, шумскиот пожар во близина на селото Моране во Општина Студеничани, кој избувна доцна синоќа, се гаси со три „ертрактори“ на ДЗС.
Инаку, денеска во земјава е регистриран рекорден број пожари за ова лето – вкупно 21.