Полицијата во Црна Гора уапси маж што ширел лажни вести за коронавирусот на социјалните мрежи.
На својот фејсбук-профил напишал дека има информации за 13 заболени случаи во Црна Гора, а управата на црногорската полиција соопшти дека е уапсен за ширење лажни вести со кои предизвикал вознемиреност во јавноста и против него е поднесена кривична пријава.
Uhapšena osoba koja je širila lažne vijesti o prisustvu #coronavirus u #CrnaGora!#Policija je u #Podgorica lišila slobode i uz krivičnu prijavu privela nadležnom tužilaštvu građanina koji se sumnjiči da je širio #LažnaVijest i na taj način izazvao uznemirenje javnosti.#COVID19 pic.twitter.com/JcHMqIPy0j
— Uprava policije Crne Gore (@PolicijaCG) March 12, 2020
Оттаму апелираат граѓаните да внимаваат каде се информираат и да не шират паника.
Инаку, санкции за ширење лажни вести вчера најави и македонското Министерство за внатрешни работи.
„Лажните вести што создаваат неоснована паника имаат долгосежни последици и врз општествената состојба, но и врз колективното здравје на граѓаните. Ваквите злоупотреби ќе бидат законски санкционирани затоа што на овој начин се вознемируваат граѓаните и се создава непотребна паника. Нема да има компромис во санкционирањето на оние кои свесно шират лажни вести“,
соопштија од македонското МВР.
Поврзани вести:
Ќе се казнува ширењето на лажни вести на социјалните мрежи
Затворска казна до една година за оние што нема да ги почитуваат препораките