Кокаинот, скриен во вреќи со вештачко ѓубриво, црногорските полицајци го откриле уште во јули, со помош на Управата за приходи и Царина, откако пратката пристигнала во пристаништето во Бар
Во акција на црногорската и албанската полиција запленета е поголема количина кокаин, дознава „Вијести“.
Според истите информации, кокаинот, скриен во вреќи со вештачко ѓубриво, црногорските полицајци го откриле уште во јули, со помош на Управата за приходи и Царина, откако пратката пристигнала во пристаништето во Бар.
Инспекторите на Секторот за борба против криминалот тогаш во соработка со Вишото државно обвинителство и колегите од Албанија процениле дека пратката ќе ја држат под надзор додека не дојде нарачателот по неа, што се случи денеска.
Според информациите на „Вијести“ во таа акција биле уапсени неколку лица, а на територијата на Албанија, блиску до Тирана, се претресува магацин во сопственост на еден од уапсените.