Жената беше примена со дијагноза бронохопневмонија, при што беа направени два теста кои покажаа дека се негативни, но третиот покажа позитивни резултати на ковид-19.
По нејзиниот случај, 14 медицински лица од штипското инфективно одделение – двајца лекари, осум медицински сестри и четворица болничари се во самоизолација веќе четврти ден
На Клиниката за инфективни болести во Скопје почина 80-годишна жена од Штип, која беше дијагностицирана позитивна на ковид-19, потврдија за МИА од Центарот за јавно здравје и Општина Штип.
Жената, која неколку дена се лекуваше на Клиниката за инфективни болести во Скопје, најпрвин беше хоспитализирана на инфективното одделение во штипската Клиничка болница.
Осумдесетгодишната жена беше примена со дијагноза бронохопневмонија, беа направени два теста кои покажаа дека се негативни, но третиот покажа позитивни резултати на ковид-19. По нејзиниот случај, 14 медицински лица од штипското инфективно одделение – двајца лекари, осум медицински сестри и четворица болничари се во самоизолација веќе четврти ден.
Директорот на Клиничка болница-Штип, Ален Ѓеорѓијев, веднаш направи реорганизација. Медицинските сестри се пополнети со кадар од другите одделенија, а на едниот инфектолог од неделата му доаѓа на помош инфектолог од струмичката болница.
Ѓеорѓијев информира дека во моментов на инфективното одделение се лекуваат пет пациенти позитивни на ковид-19, од кои двајца се од Штип, а тројца од Кочанскиот Регион и имаат четворица пациенти кои се со сомнителни симптоми на коронавирус и за нив се чекаат резултатите од тестирањето.