Претставувањето на платформите пред матичната собраниска комисија е последна фаза пред заминувањето на амбасадорите на нивната дипломатска функција
Собраниската Комисија за надворешна политика денеска ќе одржи продолжение на седницата на која тројца новоименувани амбасадори за Москва, Виена и Рим ќе ги претстават платформите за нивната дипломатска активност.
Како што информира собраниската прес-служба, пред Комисијата ќе се претстават Ненад Колев, кој е именуван за амбасадор во Руската Федерација, Освит Росоклија во Република Австрија и Весел Мемеди во Република Италија.
На седницата на Комисијата завчера своите тези ги претстави Слободан Узунов, новоименуваниот амбасадор за Индија.
Претставувањето на платформите пред матичната собраниска комисија е последна фаза пред заминувањето на амбасадорите на нивната дипломатска функција.