И нејзиниот наследник на функцијата ќе добие право да зема годишен надоместок до крајот на животот. За тоа кој би можел да биде нејзин наследник, во медиумите како фаворити се споменуваат поранешниот премиер Борис Џонсон и Руши Сунак, кој ѝ беше најголем ривал на Трас во претходната трка за британски премиер
Иако влезе во историјата како премиер со најкраток мандат во Велика Британија, Лиз Тас до крајот на животот ќе зема 115 000 фунти годишно или околу 130 000 евра.
Според британската влада, на сите поранешни премиери им е обезбеден годишен надоместок од наведениот износ, без разлика што Трас беше на функцијата само 45 дена.
Истиот надоместок до крајот на животот ќе го има и нејзиниот наследник, без разлика колку време ќе остане на функцијата. За тоа кој би можел да биде, во медиумите веќе се споменуваат две имиња како фаворити: поранешниот премиер Борис Џонсон и Руши Сунак кој беше министер за финансии во неговата влада и најголем ривал на Трас во минатата трка за британски премиер меѓу конзервативците.
Како трето име што најверојатно ќе влезе во игра се споменува Пени Мордоунт, која е пратеничка, а беше претендент и за наследник на Џонсон, но тогаш не успеа да се избори за влез во финалната трка кога се одлучуваше помеѓу Трас и Сунак.
Според правилата на игра, за да се учествува во трката треба да се обезбеди поддршка од најмалку 100 пратеници на Конзервативната партија, а нив ги има вкупно 337. Тоа значи дека во официјалниот натпревар би можело да има најмногу тројца кандидати.